ബേങ്കിന്‍റെ കീഴില്‍ 2 നീതി മെഡിക്കല്‍ സ്റ്റോറുകള്‍ ലാഭേച്ഛയില്ലാതെ നല്ലനിലയില്‍ പ്രവര്‍ത്തിക്കുന്നുണ്ട്. കൊക്കാനിശ്ശേരിയില്‍ പയ്യന്നൂര്‍ താലൂക്ക് ആശുപത്രി പരിസരത്ത് ആരംഭിച്ച നീതി മെഡിക്കല്‍ സ്റ്റോറിന് നല്ല പ്രവര്‍ത്തന പുരോഗതി കൈവരിക്കാന്‍ സാധിച്ചിട്ടുണ്ട്. ഈ വര്‍ഷം മരുന്നുവില്പനയിലൂടെ ഇടപാട്കാര്‍ക്ക് 6119774/- രൂപ ഡിസ്ക്കൗണ്ട് നല്‍കിയിട്ടുണ്ട്. ബേങ്കിലെ 'അ' ക്ലാസ് മെമ്പര്‍മാര്‍ക്ക് 1% അധികം ഇളവ് നല്‍കിവരുന്നു. 16% വരെ ഇളവ് നല്‍കുവാന്‍ ബേങ്കിന് സാധിക്കുന്നുണ്ട്. പയ്യന്നൂരില്‍ ദിനംപ്രതി ഒന്നരലക്ഷം രൂപയുടെയും, കൊക്കാനിശ്ശേരിയില്‍ 30000 രൂപയുടെയും വ്യാപാരം ശരാശരി നടക്കുന്നുണ്ട്.
